1200 hits

A biblioteca municipal de Melide, Xosé Vázquez Pintor, ten estes días un novo reclamo para todos os seus usuarios. Trátase dunha nova colección de cómic e banda deseñada que o Concello vén de adquirir para crear unha sección dedicada a este tipo de literatura que cada vez ten máis arraigo, tanto entre o público infantil e xuvenil como entre os lectores adultos.

A colección, que xa pode consultarse na biblioteca municipal, está formada por 500 títulos, principalmente xuvenís, pero tamén se atopan títulos de referencia da banda deseñada, como Animal man ou El último hombre.

3668 hits

Dentro das necesidades da sociedade actual, o respecto e a conservación do patrimonio segue a ser unha asignatura pendente. Dende o CEIDA, o equipo de educación ambiental leva tres cursos organizando o Congreso de Educación Ambiental dos Centros de Ensino da provincia da Coruña baixo o lema Espazos para conservar. Defendamos o noso patrimonio natural.

As voces das comunidades educativas, identificadas no alumnado como actores transmisores, seguen a ser a mellor referencia dos movementos que se están a desenvolver para a difusión desa conciencia ambiental, que nace no xerme dos protagonistas das sociedades futuras.

Con este III Congreso de Educación Ambiental preténdese consolidar vías de comunicación e de colaboración cos centros de ensino, a través dun espazo de participación e debate.

Cartaz

Bases do congreso

Preinscrición no III congreso

Prazo aberto ata o 18 de xaneiro de 2009.
+ info en www.ceida.org ou 981.630.618
http://www.ceida.org/

5155 hits

A biblioteca pública municipal Xosé Vázquez Pintor de Melide celebrou no 2007 o seu trinta aniversario. Con tal motivo, durante ese ano desenvolveuse na biblioteca unha programación especial de actividades encadradas nun proxecto titulado BIBLIOTECA PÚBLICA DE MELIDE  1977-2007. Este proxecto vén de ser recoñecido cun dos premios María Moliner, que conceden o Ministerio de Cultura e a Federación Española de Municipios

3642 hits

A ESCOLA DE BAILE E MÚSICA TRADICIONAL da Agrupación Castelo inicia un novo curso a partir do 4 de outubro.
Este ano a oferta de actividades é a seguinte:
ACORDEÓN , PERCUSIÓNS TRADICIONAIS , CANTO TRADICIONAL , GAITA, BAILE GALEGO
www.agrupacioncastelo.com

5951 hits

Este sábado 1 e o domingo 2 de agosto, once expositores traerán ao Cantón de San Roque unha mostra da realidade editorial galega, nun evento que comezou a organizarse o ano pasado con grande éxito.
Alén dos expositores, a Feira do Libro de Melide tamén terá obradoiros, literatura especializada, autores asinantes de recoñecido prestixio e tamén do ámbito local.
A feira abrirase o sábado ás 10.30h da mañá e contará coa actuación musical do grupo A Maristela de Sobrado. O pregón correrá a cargo de Janelis Velazco Fajardo profesora da Facultade das Artes e Letras da Universidade da Habana.

Durante todo o día do sábado poderán visitarse as once casetas das librarías de toda Galicia, entre as que estarán tamén Libraría Parrado e Libraría Victorio de Melide. Outras casas relevantes que estarán esta fin de semana en Melide serán Como unha novela (Laracha), Libraría Pedreira, L e Palabra Perduda (Santiago), Metrópolis (Ferrol), Libraría Torga 1 e Torga 2 (Allariz), Libro de Ocasión ou Editorial Enciclopedia Galega.
Boletín do concello de Melide