5931 hits

O Concello de Melide ten concedida a realización dun curso de galego de nivel CELGA 4, equivalente ao que anteriormente se coñecía como curso de perfeccionamento. O nivel 4 do CELGA é o nivel superior, posto que o 5 está pensado unicamente para mestres e especialistas.

O curso que dará comezo en Melide o vindeiro luns 31 de marzo consistirá na preparación para o exame que o CELGA 4 realizará nas catro provincias galegas os días 10 e 11 de maio. A obtención deste título é fundamental para todas as persoas que queiran presentarse a concursos ou oposicións públicas, posto que é requisito indispensable e puntuable na maior parte dos tribunais.

Todos os interesados en asistir ao curso de formación para a obtención do título CELGA 4 poden apuntarse aínda na Casa do Concello de Melide. O luns 31 terá lugar a primeira reunión, ás 20h no edificio Multiusos, para a concreción do horario en función das persoas que integren o grupo.

Fonte Concello de  Melide