3219 hits

Un obradoiro de cociña é a primeira actividade coordinada polo Banco de Tempo de Melide, unha iniciativa que se está a desenvolver en numerosos concellos galegos e que ten por obxectivo implicar a persoas de distintas idades en actividades conxuntas.
No Concello de Melide, ábrese o prazo este martes, 21 de abril, para inscribirse nun obradoiro de cociña que se desenvolverá entre o 28 de abril e o 28 de maio, nas instalacións da Casa do Concello, e para o que hai prazas limitadas.
Os usuarios e usuarias desta iniciativa poñen a disposición do Banco o seu tempo libre, co obxectivo de desenvolver posteriormente tarefas conxuntas nas que participan persoas de moi distintos segmentos de idade e ámbitos profesionais. Outra das particularidades do Banco de Tempo é que se busca o intercambio de coñecementos entre as persoas que participan nel, sendo eles os protagonistas e tamén os seus propios titores.
Fonte boletín concello de Melide