3212 hits

Este xoves, 15 de xaneiro, comezarán no polígono industrial da Madanela as obras para a construción dun punto limpo que ofrecerá servizo a todo o Concello de Melide. Así llo confirmou a Consellería de Medio Ambiente, a través do director da obra, ao concelleiro de Medio Ambiente de Melide, Manuel Prado Puga, quen amosou a súa satisfacción “porque este proxecto, de vital importancia para Melide, comece a dar pasos en firme para converterse en realidade”. A Consellería de Medio Ambiente adxudicou definitivamente o proxecto por un importe de 179.795 euros, que procederán no seu conxunto das arcas autonómicas e ten un prazo de execución para de dous meses e medio. O concelleiro de Medio Ambiente avanzou que “co punto limpo Melide cubrirase unha vella demanda dos cidadáns de Melide, ao tempo que enriquecerá a oferta de servizos do polígono industrial da Madanela”.
Fonte boletín concello de Melide.