Obxecto: subvencións para adecuar, reformar, mellorar e promover o desenvolvemento de sistemas innovadores da xestión do esterco procedente das explotacións gandeiras, excepto da especie porcina, que sexan respectuosos e compatibles coa protección do medio ambiente e prevendo un enfoque integral de valorización dos subprodutos xerados mediante a aplicación e o desenvolvemento de melloras técnicas dispoñibles na súa xestión, que permitan previr a contaminación do chan, da auga e

da atmosfera e que contribúan a reducir os consumos ineficientes de auga e enerxía.

Beneficiarios: titulares de explotacións gandeiras, excepto as explotacións porcinas, que teñan a consideración de PEME.

Actuacións subvencionables:

a) Implantación de programas de valorización e xestión dos subprodutos e dos residuos nas explotacións gandeiras que impliquen a protección do ambiente diminuíndo ou eliminando a afección ambiental, evitando filtracións e verteduras, tanto desde as fosas ou lugares de almacenamento dos subprodutos coma da contorna da propia corte, a redución no consumo de auga e do uso de enerxía, incrementar e mellorar a eficiencia no proceso da distribución e a incorporación ao chan valorizándoo como fertilizante e limitando o desprendemento de partículas de cheiro á atmosfera e que así contribúan á diminución do uso de fertilizantes minerais.

b) Desenvolvemento de alternativas innovadoras na xestión do esterco procedente de explotacións gandeiras, incluídos proxectos piloto ou proxectos de demostración de escala razoablemente reducida.

c) Compra, ou arrendamento con opción de compra, instalación e posta en funcionamento, da maquinaria e do equipamento necesario para a preservación e mellora da contorna natural na xestión de esterco das explotacións gandeiras.

d) Cobertura, peche perimetral e/ou illamento das fosas ou lugares de almacenamento do esterco e xurros para evitar a entrada de auga de choiva, filtracións e escorregadas, aseguramento da impermeabilización de soleiras e fosas de xurros para evitar que a aparición de fendas, roturas ou poros ocultos, poidan producir fugas con risco de contaminación do chan e acuíferos.

e) Sistemas de control mediante piezómetros que permitan comprobar a estanquidade das soleiras e/ou das fosas de almacenamento.

Presentación de solicitudes: As solicitudes, xunto co resto da documentación requerida, irán dirixidas ao conselleiro de Medio Ambiente e Desenvolvemento Sostible e presentaranse preferentemente no Rexistro da Consellería de Medio Ambiente e Desenvolvemento Sostible en Santiago de Compostela, nos das respectivas delegacións provinciais, ou no Rexistro Municipal do Concello de Cambre. No caso de envío por correo, na cabeceira da primeira folla do documento que se queira enviar farase constar, con claridade, o nome da oficina de correos e a data, o lugar, a hora e o minuto da súa admisión.

Prazo de presentación: do 13 de xaneiro ao 12 de febreiro de 2009, ambos incluídos.

Publicación: DOG nº 7, luns 12 de xaneiro de 2009

Máis Información (Anexos): http://www.xunta.es/dog/Dog2009.nsf/0e5fb445f3681a75c1257251004b10d7/482667d742f8d983c1257539004e45e5/$FILE/00700D009P036.PDF

Delegación Provincial da Consellería de Medio Ambiente e Desenvolvemento Sostible: Praza Luís Seoane, s/n - 15008 A Coruña Tel.: 981 184 498/494 - Fax: 981 184 482