Beneficiarios:

5. Non poderán ser beneficiarias aquelas empresas que entren dentro da categoría de empresas en crise, de acordo coa definición do art. 1, apartado 7 do Regulamento (CE) nº 800/2008.

Conceptos subvencionables:

1) Investimentos productivos. (terán unha subvención básica dun 35%, que poderá incrementarse ata o 50% no caso de microempresas e pequenas empresas e ata o 40%

no caso de medianas empresas).
Poderán ser subvencionables os investimentos relativos ás operacións de aproveitamento dos produtos forestais (madeira, cogomelos, castañas, plantas aromáticas e medicinais, biomasa e outros produtos forestais). No caso da madeira, biomasa e outros produtos forestais non alimentarios poderán ser subvencionábles tamén os investimentos relativos ás operacións de acondicionamento e transformación.
Non se considerarán substitucións de investimentos subvencionados anteriormente, salvo diferencial de custo.
Consideraranse con carácter exclusivo os seguintes:
1.1. Bens de equipo e instalacións en empresas de recollida, manexo, comercialización e transformación de produtos forestais non madeireiros (cogomelos, castañas, plantas aromáticas e medicinais, biomasa e outros produtos forestais). No caso de produtos forestais alimentarios, non se considerarán os investimentos relativos ao acondicionamento ou transformación.
1.2. Maquinaria específica, apeiros e implementos que permitan un aproveitamento comercial da biomasa forestal: asteladoras, fendedoras de leña, empacadoras, colleitadoras ou procesadoras de biomasa.
1.3. Maquinaria, obra civil e instalacións en serras.
1.4. Equipos de seguridade.
1.5. Procesadoras, autocargadores, arrastradores forestais e outros equipos de corta e/ou saca de madeira, así como as adaptacións e implementos.
1.6. Equipos tractocargadores completos e implementos forestais destes (os tractores deberán ter cabinas adaptadas para o xiro do operario sentado, proteccións forestais en cabina, rodas e baixos, e irán dotados de guindastre, cabrestante e remolque forestal de tracción. Estas adaptacións exixiranse tamén aos tractores orientados á recollida de biomasa, limitándose o importe da máquina tractora ao 60% do valor do equipo).
1.7. Apeiros e implementos forestais que permitan un primeiro tratamento dos produtos forestais madeireiros: rozadoras, peladoras móbiles, serras móbiles e outras, en número non superior aos equipos de saca de madeira propiedade da empresa.
1.8. Góndolas, plataformas para o transporte da madeira ou biomasa, e guindastres que se instalen nelas. O número de plataformas e guindastres limitarase ao número de equipos de saca (tractocargadores ou autocargadores) subvencionados que teña a empresa. Non se subvencionará máis dunha góndola por empresa.
1.9. Instrumentos de medición de masas forestais, en número non superior á maquinaria de saca de madeira.
1.10. Equipos informáticos ata un máximo subvencionable de 2.000 euros/empresa, descontando as axudas percibidas anteriormente por este concepto.
2) Plans e ferramentas de xestión empresarial. (subvencionaranse cunha axuda dun 50% no caso de microempresas e pequenas empresas e cunha axuda do 40% no caso de medianas empresas).
Só se poderán subvencionar conxuntamente con investimentos materiais.
Poderán ser obxecto de subvención os servizos externos de diagnóstico, seguimento, certificación e execución de medidas correctoras, salvo adquisición de maquinaria, nas seguintes actuacións:
2.1. Consecución e actualización de licenzas, e adaptación das máquinas (de serras, tractocargadores e outras de explotación forestal) e instalacións á normativa de seguridade industrial e laboral.
2.2. Plans correctores e preventivos de riscos ambientais, de adaptación á normativa fitosanitaria e implantación de códigos ou normas de boas prácticas.
2.3. Implantación na empresa de ferramentas de xestión empresarial específicas da actividade para o control de custos, calidade e mantemento.
2.4. Preparación do proceso produtivo para a adaptación á cadea de custodia de madeira certificada, e/ou normativa de calidade.

Presentación de solicitudes: As solicitudes, xunto co resto da documentación requerida, deberán dirixirse á Dirección Xeral de Montes e Industrias Forestais, e presentaranse no rexistro da Consellería de Medio Rural, no da delegación provincial ou no rexistro municipal do Concello de Cambre. No caso de envío por correo, na cabeceira da primeira folla do documento que se queira enviar farase constar, con claridade, o nome da oficina de correos e a data, o lugar, a hora e o minuto da súa admisión.

Prazo de presentación: do 10 de xaneiro ata o 25 de febreiro de 2009, ambos incluídos.

Publicación: DOG nº 6, viernes 9 de xaneiro de 2009

Máis Información (Anexos): http://www.xunta.es/dog/Dog2009.nsf/0e5fb445f3681a75c1257251004b10d7/7e82695916602ab9c125753800506d83/$FILE/00600D010P040.PDF

Orde do 28 de decembro de 2007: http://www.xunta.es/Dog/Dog2008.nsf/FichaContenido/1642?OpenDocument

Dirección Xeral de Montes e Industrias Forestais: San Lázaro s/n 15703 Santiago de Compostela Tel.: 981 546 109 - Fax: 981 546 101 Correo-e: Esta dirección electrónica esta protegida contra spam bots. Necesita activar JavaScript para visualizarla