3817 hits

A Consellería de Medio Rural modifica as bases reguladoras das axudas para os investimentos en transformación e comercialización de produtos agrarios do período 2007 – 2013 e convoca axudas par ao exercicio orzamentario de 2009.

Beneficiarias:
Microempresas, pequenas e medianas empresas e empresas intermedias que cumpran os seguintes requisitos:
- Presentar un proxecto de investimentos no que os produtos finais estean recollidos na Orde do 4 de maio de 2007.
-Cumprir os requisitos establecidos na Orde do 4 de maio de 2007 pola que se establecen as bases reguladoras das axudas aos investimentos en transformación e comercialización de produtos agrarios.

Finalidade:
Incentivar os investimentos en activos fixos materiais para a creación, ampliación e modernización das instalacións situadas en Galicia destinadas á transformación e comercialización de produtos agrarios, e os produtos finais estean incluídos no anexo I do tratado. A concesión das axudas efectuarase mediante concorrencia competitiva.

Prazo:
Xeral: Ata o 31 de xaneiro de 2009. Excepcional: ata o 30 de abril de 2009 (caso de haber obra nova)

Enlaces relacionados:
DOG. Nº 239 publicado o 10/12/2008: Orde do 4 de decembro de 2008 pola que se modifican as bases reguladoras das axudas para os investimentos en transformación e comercialización de produtos agrarios do período 2007-2013 e se convocan parcialmente para o exercicio orzamentario de 2009.