4269 hits

O telecentro de Melide forma parte da Rede de Telecentros de Comunicación. Esta infraestrutura conta cun equipamento de vinte ordenadores persoais con monitores TFT, impresora láser, un equipo de videoconferencia, pantalla de plasma, cámaras, TDT, micrófonos, pantalla de proxección motorizada e demais material de última xeración no ámbito das telecomunicacións. Grazas a esta iniciativa, as asociacións e colectivos de Melide disporán dunha instalación de acceso gratuíto que xestionará o Concello e na que se poderán acoller encontros multimedia, conferencias, cursos ou presentacións cunha tecnoloxía pioneira no Concello.

Na inauguración, este xoves, Ignacio Vilar, director da película Pradolongo ofreceu unha videoconferencia sobre a evolución da curtametraxe ao longametraxe e a súa experiencia como cineasta. Ao remate proxectaranse varias curtametraxes incluídas dentro do programa Curtas na rede, a través do Centro Multimedia de Galicia, na que participarán simultaneamente os telecentros de Melide, Boiro, Muros, A Fonsagrada, Foz, Viveiro e Xinzo da Limia.

Noticia de sociedadedainformacion.eu